Smiljić čestitao praznik pravoslavnim vjernicima: “Neka Božić donese smirenje, oproštaj i milosrđe”

Smiljić čestitao praznik pravoslavnim vjernicima: “Neka Božić donese smirenje, oproštaj i milosrđe”

0
U Božićnoj poslanici protojerej SPC u Ulcinju Siniša Smiljić čestitao je Božić svim sugrađanima i pravoslavnim vjernicima širom svijeta, sa željom da rođenje Hristovo proslave u duši, u duhu hrišćanstva sa svojim najbližima.
“Bog je u svojoj smirenosti i u svojoj ljubavi obgrlio čitav ovaj svijet. Toliko se smirio da je sam Bog postao čovjek, ne bi li mi, ljudi, po blagodati postali Bogovi, sveti i dostojni Njegove ljubavi. Upravo zbog toga, ovaj praznik treba da bude u tom duhu, u duhu smirenja, ljubavi, praštanja, milosrđa i molitve, nikako u nekom duševnom i tjelesnom obliku, kao što sve više znamo, da na taj način danas proslavljamo praznik”, kazao je Smiljić u svojoj poslanici.
Smiljić je pozvao vjernike da ljubav i sebe dijele sa drugima, u duhu hrišćanstva.
“Dajmo sebe drugome, našim bližnjima, prijateljima, rodbini, komšijama i svim ljudima koji nas okružuju, jer je tako Gospod učinio i tražio od nas. Još jednom Vam svima čestitam praznik pozdravom: Slava Bogu na nebesima, a među ljudima mir i  dobra volja. Hristos se rodi – Vaistinu se rodi!”.
Please follow and like us: