Meta: Zgjidhja e vetme, zgjerimi i BE-së në Ballkan, jo ndryshimi i kufijve

Meta: Zgjidhja e vetme, zgjerimi i BE-së në Ballkan, jo ndryshimi i kufijve

0
Në vijim të vizitës së tij në Uashington D.C, Presidenti i Republikës së Shqipërisë Sh.T.Z Ilir Meta mori pjesë sot në Forumin “Transatlantic Leadership Network” të organizuar në Kongresin Amerikan me temë: “Ballkani Perëndimor: Si të kapërcehen pengesat në rrugën drejt Bashkimit Europian”.
Presidenti Meta gjatë fjalës së Tij, ndër të tjera theksoi se:
“Politikat e hartuara europiane për Ballkanin Perëndimor duhet të forcojnë sigurinë, institucionet dhe ekonomitë tona; duhet të jenë të zbatueshme, transparente dhe të synojnë rritjen e besimit të qytetarëve; plotësisht të përafruara me vlerat dhe standardet europiane. Bashkimi Europian nuk duhet të gabojë që të bëjë kompromise në këtë orientim; përkundrazi duhet të ruajë  përqendrimin e vet te çështjet thelbësore të proceseve tona përkatëse. Ndryshimi i vetëm i kufijve, për të cilin duhet të punojmë ditë e natë në rajonin tonë është zgjerimi i plotë i kufirit europian në Ballkanin Perëndimor!”, – u shpreh Meta.
Please follow and like us: