Me 41 votë pro u votua Qeveria e 42-të e Malit të Zi. Krivokapiq kryeminister, Abazoviq zv/kryeminister

Pinterest LinkedIn Tumblr +

Me 41 vota pro, një i përmbajtur  dhe 28 vota kundër, Kuvendi i Malit të Zi miratoi përbërjen e re të Qeverisë,  të 42-ën me radhë të kryesuar nga Kryeministri Zdravko Krivokapiq.
Zëvendëskryeministri do të jetë Dritan Abazovic nga URA, kurse  Qeveria do të përbëhet nga 12 ministra.

“Betohem se do të kryej detyrën time sipas Kushtetutës dhe ligjit, me ndershmëri, me përgjegjësi dhe me ndërgjegje. Kështu më ndihmoft Zoti,” tha Krivokapiq duke dhënë betimin.

Për votuan deputetët e koalicionit “Për të ardhmen e Malit të Zi”, deputetët nga lista e Demokratëve dhe deputetët e koalicionit “E bardhë në të zezë”. Kundër  ishin deputetët e Partisë Demokratike të Socialistëve,  Socialdemokratët, Partia Social-Demokrate, deputetët e Partisë Boshnjake, deputeti i koalicionit shqiptar “Bashkë nji Za”-Fatmir Gjeka, ndërsa vota e vetme e përmbajtur ishte vota e deputetit të  Listës Shqiptate  Genci Nimanbegut.

 

Share.