Kupa e Botës 2022 fillon më 21 nëntor

Pinterest LinkedIn Tumblr +

Kampionati Botëror i vitit 2022 do të fillojë më 21 nëntor të atij viti dhe mbaron më 18 dhjetor, ka bërë të ditur para pak minutave FIFA.

Stadiumi ‘Al Bayt’, një arenë me kapacitet prej 60 mijë spektatorëve që merr emrin dhe formën e tij nga çadrat tradicionale të përdorura nga popujt nomadë në rajonin e Gjirit, do të jetë stadiumi që do ta hap Botërorin të hënën 21 nëntor 2022 në orën 12:00 me kohën tonë lokale, përcjell lajmi.net.

Kohët e fillimit të ndeshjeve për fazën e grupeve grup janë caktuar për në orën 12:00, 15:00, 18:00 dhe 21:00, ndërsa takimet e fundit në grup dhe faza e nokautit 18:00 dhe 21:00 (me kohën tonë lokale).

Stadiumi Ndërkombëtar ‘Khalifa’ do ta mirëpresë ndeshjen për vendin e tretë më 17 dhjetor. Finalja do të fillojë një ditë më vonë në orën 18:00 në ‘Lusail Stadium’ para një turme me 80 mijë tifozë.

Share.