Komuna e Ulqinit: Të gatshëm  të luftojmë korrupsionin!

Pinterest LinkedIn Tumblr +

Qendra për edukimin qytetarë në bashkëpunim me OJQ – Banum nga Plevla, Inkubator nga  Kotorri dhe Qendra për gazetari investigative nga Podgorica të cilët me mbështetje të BE janë  duke realizuar projektin “Mendo lokalisht –Vepro lokalisht! – Lufta kundër korrupcionit në nivelin lokal”, në kuadër të vizitave që përfaqësuesit e këtyre shoqatave janë duke bërë në qytetet e Malit të Zi, sot qëndruan  për një vizitë  pune në Ulqin, ku u pritën nga kryetari Nazif Cungu dhe bashkëpunëtorët e tij.

Boris Mariq, nga Qendra për edukim tha që projekti i cili do të zgjas një vit e gjysëm ka për qëllim të ndihmojë zhvillimin e  pjesëmarrjes së shoqatave civile në aplikimin e politikës së  antikorrupcionit, nëpërmes monitorimit, raportimit dhe mbikqyrjes së aktiviteteve në nivel lokal në Mal të Zi, por kryesorja është që qytetari ti përjetojë si të tija, atë se çfarë ndodh  përreth.

Nga ana tjetër kryetari Cungu rikonfirmoi gatishmërinë për të luftuar dhe çrrënjosur korupcionin. Ai paralajmëroi transparencë dhe llogaridhënje për secilin sekretariat dhe shërbim dhe tha se Qendra për Informim që funksionon në kuadër të komunës tonë do të paiset me aparatura të tjera    moderne të cilat do ti kontribuojnë luftës së  korupcionit. Në takim bashkëpunëtorët e kryetarit Cungu njoftuan me aktivitetet që janë bërë deri tani, ndërsa u zgjodhën nënkryetarja Gjoni dhe drejtoresha e Qendrës për Informim Teuta Mehmeti që të jenë në kontakte të vazhdueshme me implementuesit e projektit.

Share.