BE jep përgjigje në fund të muajit për heqjen e vizave në Kosovë

Pinterest LinkedIn Tumblr +

Komisioni Europian pritet të rishikojë deri në fund të muajit çështjen e heqjes së vizave edhe për Kosovën, duke shqyrtuar nëse vendi i ka plotësuar kushtet e parashtruara nga Brukseli për të përfituar nga udhëtimi lirshëm brenda zonës “Schengen”.

Një zyrtar i Bashkimit Europian dha lajmin për Kosovën, por edhe për udhëtimin pa viza për ukrainasit, pavarësisht rezultatit të referendumit holandez për marrëveshjen BE-Ukrainë.

Kosova është i vetmi vend në Ballkan, që nuk e ka fituar ende të drejtën e lëvizjes pa viza në hapësirën “Schengen”, edhe pse për disa vite me radhë, autoritetet kosovare kanë punuar në bashkëpunim me institucionet e BE-së për të plotësuar të gjitha kushtet e kërkuara për procesin e heqjes së vizave.

Share.